Төлем карталарын қорғау

Банктер төлем карталарының иелерін жаңа қауіпсіздік шараларын әзірлей отырып, алаяқтардан қорғауға тырысады. Сіз де өз төлем картаңызды негізгі кеңестерге сүйене отырып, қорғай аласыз:

  1. Бөтен адамдарға төлем картасының PIN-кодын және CVV2-кодын, сондай-ақ оның әрекет ету мерзімі мен кімге тіркелгендігін ешқашан хабарламаңыз.
  2. Егер сіз төлем картасын жоғалтып алсаңыз немесе әлдекім оның деректемелерін біліп қойды деп ойласаңыз, бірден банкке жүгініп, оны бұғаттаңыз.
  3. Интернет-банкке бөгде компьютерлерден немесе қорғалмаған желілер арқылы кірмеңіз. Егер мұндай жағдай орын алса, интернет-банктен шығуға және браузер кэшін өшіруге ұмытып кетпеңіз.