1.1. Науқан — промо-науқан, лотерея емес, тәуекел элементтері жоқ және Қатысушының жеке кабинетінде орналасқан осы Ережелерге сәйкес өткізіледі
1.2. Науқан Қазақстан Республикасының аумағында өткізіледі, әрі қарай — Аумақ деп аталады.
1.3. Науқанды ұйымдастырушы: «Y. TaxiQazaqstan» ЖШС (әрі қарай — Яндекс), орналасқан жері: 050000, Алматы қаласы, Медеу ауданы, Нұрсұлтан Назарбаев даңғылы, 100/4 үй, 105 кеңсе.
1.4. Бизнеске арналған Яндекс.Такси Сервисі, Сервис — Тапсырыс берушіге Серіктестердің Қызметтеріне Сұрауларды орналастыруға мүмкіндік беретін және осындай Сұрауларды автоматты түрде өңдеп, Серіктестерге жіберетін бағдарламалық-аппараттық кешен.
2.1. Науқанға қатысушы (сондай-ақ — клиент/корпоративтік клиент) — Қазақстан Республикасының аумағында белгіленген тәртіппен тіркелген және Науқан өтетін кезеңде Келісімшартты алғаш жасаған жеке кәсіпкер немесе заңды тұлға.
2.2. Осы Ережелерге сәйкес, Яндекс пен корпоративтік клиенттің (жеке кәсіпкер немесе заңды тұлға) арасында мына тәсілдердің бірімен: Интернет желісінде https://yandex.kz/legal/taxi_corporate_prepaid_offer/ мекенжайы бойынша орналасқан офертаны қабылдау арқылы; немесе қарапайым жазбаша түрде қостараптық жазбаша шартқа қол қою жолымен жасалған жолаушылар мен жүк тасымалын ұйымдастыру бойынша қызметтерді көрсетуге арналған шарт Шарт болып танылады.
3.1. Науқан Алматы уақыты бойынша 08.12.2025 ж. бастап 31.01.2026 ж. дейінгі (осы күндерді қоса алғанда) кезеңде өтеді.
4.1. 2025 жылғы «08» желтоқсаннан 2026 жылғы «31» қаңтарға дейінгі кезеңде Қазақстан Республикасының аумағындағы Қатысушыға көрсетілетін қызметтердің құны бойынша арнайы шарттар қолжетімді, олар кез келген жағдайда Шарт бойынша белгіленген құнмен салыстырғанда көрсетілетін қызметтер құнының төмендейтінін білдіреді (әрі қарай — Бонустар).
Бонустар жеке кабинет арқылы іске қосылады және Науқанның соңғы күні іске қосылған жағдайларды қоса алғанда, іске қосылған сәттен бастап 90 күнтізбелік күн бойы жарамды болады. Бонустар олар қолданылған мерзім ішінде жасалған әрбір тапсырысқа қолданылады.
4.2. Қатысушы мына шарттарды бір мезетте орындаған жағдайда Бонустарды алуға құқылы:
— Қатысушы осы Ереженің 2-бөлімінде белгіленген анықтамаға сәйкес келеді;
— Қатысушы Науқан өтетін мерзім ішінде Жеке кабинет интерфейсі арқылы Бонустарды іске қосып отырған. Бонустар клиенттің жеке кабинет интерфейсінде оларды іске қосқан сәттен бастап қолданыла бастайды. Науқан өтетін мерзім ішінде іске қосып отыруға болады;
— Қатысушы Сервистегі Қызметтерге қолданылатын тек бір ғана науқанға қатыса алады. Бонустар мен жеңілдіктер бір-біріне қосылмайды және бір Тапсырыстың құнына қолданылмайды.
4.3. Бонустардың мөлшері мен әрекет ету мерзімі
Осы Ереженің 4.2-тармағында көрсетілген шарттар орындалған жағдайда Қатысушыға 25 000 (жиырма бес мың) Бонус беріледі. Бонустар жолаушылар мен жүк тасымалын ұйымдастыру бойынша Шарт аясында Сервис арқылы ұсынылатын бүкіл қызметтерге бір тапсырыс құнының 15 (он бес) пайызына дейінгі сомаға қолданылуы мүмкін. Осы шарттардың мақсаттары үшін Ұйымдастырушы бір Бонустың бір теңгеге тең екенін белгіледі.
Бонустар Қатысушы оларды жеке кабинет интерфейсі арқылы іске қосқан сәттен бастап күшіне енеді және іске қосылған күннен бастап, Науқанды өткізу мерзімінің соңғы күні іске қосылған жағдайларды қоса алғанда, 90 (тоқсан) күнтізбелік күн бойы қолданылады. Бонустар бір рет қана беріледі. Пайдаланылмаған Бонустар саны олардың әрекет ету мерзімі аяқталғаннан кейін жойылады.
4.4. Бонустарды қолдану және көрсету
Бонустар Шарт аясында Бонустар әрекет ететін мерзім ішінде Қатысушы Сервис арқылы рәсімдеген барлық тапсырыстарға қолданылады.
Бонустарды қолдану туралы ақпарат пайдаланушы интерфейсінде (мобильді қосымшада немесе жеке кабинетте) көрсетілмеуі мүмкін, алайда Яндекс құрастыратын есептік құжаттарда көрініс табады.
5.1. Яндекс себептерін түсіндірместен кез келген уақытта осы Науқанды тоқтата тұруға, мүлде тоқтатуға немесе оның шарттарын өзгертуге құқылы, бірақ мұндай өзгерістер бұрын іске қосылған Бонустарға қолданылмайды. Науқанды тоқтата тұру/мүлде тоқтату/шарттарын өзгерту туралы ақпарат корпоративтік клиенттің жеке кабинетінде орналастырылады.
5.2. Науқанға қатысу арқылы Қатысушы Науқан Ережелеріне толық және сөзсіз келіседі.
5.3. Бонустар тиісті есептік кезеңдегі қызметтердің құны (есептік кезеңдегі қызметтер құнына жасалған түзетулерді ескере отырып) оң сома болған жағдайда және Бонустар қолданылғаннан кейін қызметтердің құны оң сома болып, Яндекстің корпоративтік тапсырыс берушіге (клиентке) есептік кезеңде қарызы болмаса ғана қолданылады. Егер тиісті есепті кезеңдегі қызметтердің құны (есептік кезеңдегі қызметтер құнына жасалған түзетулерді ескере отырып) 0 (нөл) теңге болса немесе есепті кезеңдегі қызметтер құнына жасалған түзетулер Яндекстің корпоративтік тапсырыс берушіге (клиентке, жалға алушыға) қарыз тудырса немесе Бонустар қолданылғаннан кейін қызметтердің құны 0 (нөл) теңге болса немесе Яндекстің корпоративтік тапсырыс берушіге (клиентке, жалға алушыға) есепті кезеңде қарыз тудырса, мұндай Бонустар келесі есептік кезеңге ауыстырылып, сол кезеңдегі тиісті Бонустармен қосылады. Шарт тоқтатылған кезде корпоративтік клиент пайдаланбаған бонустар жойылады. Қандай жағдай болмасын, соның ішінде осы тармақтағы жағдайларға байланысты Бонустарды қолдану мүмкін болмаса да, Яндексте корпоративтік тапсырыс берушінің (клиенттің) алдында қарызы туындамайды. Осылайша, егер бұл корпоративтік клиенттерге Бонустар беру туралы осы шарттарға қайшы келетін болса, Яндекс корпоративтік клиент үшін Бонустарды қолдану мүмкіндігіне қатысты кез келген кепілдіктен тікелей бас тартады.
Жарияланған күні: 08.12.2025
Күшіне енген күні: 08.12.2025